նախընտրելի դարձնելՍանկտ Պետերբուրգում ԱԻՆ-ի աշխատակիցը ստիպված է եղել բախվել իր գործի հանդեպ չափազանց անշնորհակալ վերաբերմունքի: Միջադեպը տեղի է ունեցել Գլինյանայա փողոցի թիվ 13 տան մոտ:
ԱԻՆ-ի բրիգադը կանչով եկել էր ծառից իջեցնելու կատվին, որը չափազանց վեր էր բարձրացել եւ չէր կարող ինքնուրույն իջնել: Սակայն երբ փրկարարն արդեն բարձրացել էր հրշեջների ծալովի սանդուղքով, կատվազգիների ընտանիքի ներկայացուցիչը բոլորովին ուրախությամբ չէր դիմավորել իրեն փրկողին, տեղեկացնում է Lifenews-ը:
Վախից թե վատ բնավարության բերումով` կատուն, փոխանակ խոնարհաբար թույլ տար, որ ԱԻՆ աշխատակիցը վերցնի իրեն, հարձակվել է վերջինիս վրա` ճանկռելով եւ կծոտելով: Արդյունքում փրկարարը մեծ ջանքեր է գործադրել կենդանուն հանգստացնելու համար եւ նրա հետ հետ չի իջել սանդուղքով, այլ կատվին նետել է գործընկերներին, որոնք ծառի տակ օպերատիվ կերպով բրեզենտե ծածկ էին բացել:
