ՆախընտրելիՈստիկանությունը հայտնաբերել է թմրանյութի ապօրինի օգտագործման հերթական դեպքը։
Ըստ ոստիկանության լրատվական ծառայության տարածած հաղորդագրության, ոստիկանության Մալաթիայի բաժնի աշխատակիցները փետրվարի 10-ին բերման են ենթարկել մայրաքաղաքի բնակիչ, 24-ամյա Ավետ Մանուկյանին, որը կասկածվում էր թմրանյութ պահելու եւ օգտագործելու մեջ։
Ավետ Մանուկյանի մոտ հայտնաբերվել է ներարկիչ եւ թմրանյութ։ Երիտասարդը հայտարարել է, որ թմրանյութն ինքն է պատրաստել իր օգտագործման համար։
Նշանակվել է փորձաքննություն։ Քննությունը շարունակվում է։
Մանրամասները՝ ոստիկանության պատրաստած տեսանյութում։
