Մարտի 24-ին, ժամը 22.50-ին, ոստիկանության Երեւան քաղաքի վարչության եւ Մալաթիայի բաժնի ծառայողները, ապօրինի զենք պահելու եւ կրելու, ինչպես եւ թմրանյութ պահելու եւ օգտագործելու կասկածանքով, Երեւանի Բագրատունյաց փողոցի 17 հասցեի մոտից, «Տոյոտա» մակնիշի ավտոմեքենայով, բերման են ենթարկել վարորդ, 1982 թ. ծնված Հարություն Թորոսյանին՝ «Կիլիկիացի Հարութիկ» մականունով, եւ ուղեւոր` 1990 թ. ծնված Մխիթար Գեւորգյանին՝ «Ջրվեժցի Արջուկ Մխո» մականունով: Խուզարկությամբ Հ. Թորոսյանի մոտից հայտնաբերվել է առանց գործարանային համարի, անհայտ տիպի ատրճանակ՝ փամփշտատուփում 9 մմ տ/չ 7 փամփուշտով, իսկ Մ. Գեւորգյանի մոտից՝ փայլաթիթեղի մեջ փաթաթված 0.19 գ կշռով «Սուբոտեքս» թմրամիջոցի նմանվող կես դեղահաբ, բժշկական կաթոցիչ՝ «Մարիխուանա» թմրամիջոցի նմանվող նստվածքով, ակնհայտ կեղծ հատկանիշներով՝ կրկնվող սերիա-համարներով, 20.000 եւ 10.000 դրամ անվանական արժեքով 2-ական թղթադրամ: Հ. Թորոսյանը եւ Մ. Գեւորգյանը ձերբակալված են: Նշանակվել են փորձաքննություններ: Կատարվում է հետաքննություն: