նախընտրելի դարձնելՄայիսի 17-ին առերեւույթ հանցագործություն կատարած անձը թիվ 37 երթուղու երթուղային ավտոբուսում հափշտակել է քաղաքացու դրամապանակը, որի մեջ եղել է երկու բանկային քարտ եւ գումար: Նկատելով հափշտակության հանգամանքը` քաղաքացին իջել է երթուղային ավտոբուսից եւ հետապնդել հանցագործություն կատարած անձին, սակայն, նրան հաջողվել է փախչել:
Նախաքննության ընթացքում ստացվել են դեպքի վայրում տեղադրված տեսախցիկի կադրերը, որտեղ երեւում է մոխարգույն սպորտային հագուստով արագ վազող երիտասարդ:
Միջոցներ են ձեռնարկվում տեսանյութում երեւացող երիտասարդին գտնելու ուղղությամբ:
