նախընտրելի դարձնելՈստիկանության համակարգից հեռացվել են Երեւան քաղաքի վարչության պարեկապահակետային ծառայության գնդի 1-ին վաշտի ոստիկան, ոստիկանության սերժանտ Արտյոմ Ռուստամյանը եւ ոստիկանության լեյտենանտ Կարապետ Ճտխյանը:
Ոստիկանության լրատվական ծառայության տարածած հաղորդագրությունից NEWS.am-ը տեղեկանում է, որ Արտյոմ Ռուստամյանը հուլիսի 6-ին՝ ժամը 12.45-ի սահմանում, Տիգրան Մեծի պողոտայի Գրիգոր Լուսավորիչ եկեղեցու դիմացի կանգառում ծառայություն իրականացնելիս վիճաբանել է թիվ 14 երթուղու վարորդ Արթուր Ղ.-ի հետ, հրել նրան, հարվածել դեմքին: Վարորդը հրաժարվել է հաղորդում տալ:
Համակարգից ազատված մյուս ոստիկանը՝ Կարապետ Ճտխյանը, ըստ հաղորդագրության, մայիսի 23-ից, առանց հարգելի պատճառի, ծառայության չի ներկայացել:
