նախընտրելի դարձնել«Սասնա ծռեր» խմբի անդամ Արմեն Լամբարյանի քույրը՝ Կարինե Լամբարյանն այսօր՝ սեպտեմբերի 26-ին, Երեւանի «Էրեբունի» հիվանդանոցի մոտ ուշաթափվել է: NEWS.am-ի թղթակիցն հաղորդում է, որ Արմեն Լամբարյանին հիվանդանոց տեղափոխելուց հետո, նրա քույրն այնքան հուզված է եղել, որ ինքնազգացողությունը վատացել է եւ ընկել է հիվանդանոցի բակում:
Կարինե Լամբարյանին հիվանդանոց են տեղափոխել եւ բուժօգնություն ցուցաբերել:
Ավելի վաղ տեղեկացրել էինք, որ «Սասնա ծռեր» խմբի անդամ Արմեն Լամբարյանը «Դատապարտյալների հիվանդանոց» ՔԿՀ-ից տեղափոխել են Երեւանի «Էրեբունի» հիվանդանոց:
Ավելի վաղ տեղեկացրել էինք, որ Արմեն Լամբարյանին մեղադրանք է առաջադրվել ՀՀ Քր.օր.-ի 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել) եւ 219-րդ հոդվածի 3-րդ մասի 1-ին կետով (կազմակերպված խմբի կողմից շենքեր, շինություններ, տրանսպորտի, հաղորդակցության կամ կապի միջոցներ զավթելը):
