նախընտրելի դարձնելԹանկարժեք ավտոմեքենաներից ավտոմասեր գողացողները հայտնաբերվել են: Ոստիկանության ծառայողները Երեւանի կենտրոնական փողոցներից մեկում նկատել են երիտասարդի, որը գողություն է կատարել ավտոմեքենայի վրայից: Ոստիկանները հետեւել են նրան եւ բերման ենթարկել 20-ամյա Ժորա Սարգսյանին:
«Մեքենաների վրայից մասեր ենք գողացել՝ հիմնականում ֆառեր»,-ոստիկանությունում խոստովանել է նա:
Պարզվել է, որ Ժորա Սարգսյանը մենակ չի գործել, այլ Երեւանի 25-ամյա բնակիչ Արթուր Հարությունյանի հետ, որը նույնպես բերման է ենթարկվել:
Ժորա Սարգսյանը ստորագրությամբ ազատ է արձակվել, իսկ Արթուր Հարությունյանը՝ կալանավորվել:
