նախընտրելի դարձնելԱԺ փոխխոսնակ Էդուարդ Շարծազանովը հորդորում է ուսանողներին դադարեցնել հացադուլը եւ վերադառնալ բանակցությունների դաշտ: Այս մասին այսօր՝ դեկտեմբերի 19-ին, Ազգային ժողովում հայտարարել է Շարմազանովը:
Շարմազանովը ուսանողներին հիշեցրել է, որ մաքսիմալիստական ցանկությունները բերելու են հիասթափության եւ չի կարող լինել այնպես, որ իրենց բոլոր առաջարկներն ընդունվեին:
«Տարկետում լինելու է, մեր օրենքով է էդպես: Կոչ եմ անում դադարեցնել հացադուլը: Արդյունավետ քննարկումներ գնում էին եւ սպասում էին Դավիթից եւ ուսանող ընկերներից ոչ թե ռադիկալ քայլեր, այլ առաջարկներ: Մաքսիմալիստական չափանիշներ դնելը, որ եթե չլինի, չենք անելու, ոչ մի տեղ տանող ճանապարհ է»,-ասել է Շարմազանովը:
Նա շեշտել է, թե ուսանողների հետ բանակցություններում արդեն մեծ առաջընթաց կար այն առումով, որ նրանք վարչապետի նախարարների մակարդակով ընդունելության արժանացան:
Նշենք, որ «Հանուն գիտության զարգացման» նախաձեռնության անդամները երեկվանից հացադուլ են հայտարարել: Նրանք համարում են, որ իշխանության հետ մեկ ամիս տեւած բանակցությունները զրոյական արդյունք են ունեցել եւ իշխանությունը չի ընդունել իրենց առաջարկները:
