նախընտրելի դարձնելԱՄՆ նախագահ Դոնալդ Թրամփը հայտարարել է, որ իրեն «դուր չի եկել» Հյուսիսային Կորեայի առաջնորդ Կիմ Չեն Ընի հետ Ռուսաստանի ԱԳ նախարար Սերգեյ Լավրովի հանդիպումը: Այս մասին հայտնում է Fox News-ը:
«Ինձ դուր չի եկել Կիմ Չեն Ընի հետ ռուսական կողմի հանդիպումը: Այդ հանդիպւմն ի՞նչ նպատակ ունի: Սակայն դա կարող է նաեւ դրական հանդիպում լինել»,- ասել է Թրամփը: Նրա խոսքով՝ ինքը պատրաստ է իր կարծիքը փոխել, եթե այդ հանդիպման հետեւանքները դրական լինեն:
Trump on Kim's meeting with Russian foreign minister: "I didn't like it. It could be very positive, too. I didn't like the Russian meeting yesterday. I said, 'What's the purpose of that?' But it could be a positive meeting." https://t.co/he9uLA17dy pic.twitter.com/BFdC5nxEOl
— CBS News (@CBSNews) 1 июня 2018 г.
Թրամփը զուգահեռ հաստատել է, որ Կիմ Չեն Ընի հետ իր հանդիպումը կկայանա հունիսի 12-ին: ԱՄՆ նախագահի խոսքով՝ Հյուսիսային Կորեայի ներկայացուցիչ, Կորեայի Աշխատանքային կուսակցության ԿԿ փոխնախագահ Կիմ Յոն Չհոլի հետ հանդիպումը «շատ լավ» է անցել:
Կիմ Չեն Ընի հետ Լավրովի հանդիպումը տեղի է ունեցել անցած հինգշաբթի՝ մայիսի 31-ին: Ինչպես հայտնել է ՌԴ ԱԳՆ-ն, նա Հյուսիսային Կորեայի առաջնորդին է փոխանցել Վլադիմիր Պուտինի լավագույն բարեմաղթանքները «խոշոր ձեռնարկումներում, որոնք նախաձեռնվել են Կորեական թերակղզում»: Լավրովը Հյուսիսային Կորեայի առաջնորդին հրավիրել է Ռուսաստան այցելել:
Կիմ Չեն Ընն, իր հերթին, հանդիպման ընթացքում նշել է, որ Փհենյանը բարձր է գնահատում այն, որ «Պուտինը դիմակայում է ԱՄՆ գերիշխանությանը», եւ հայատարարել է «ռուսական կողմի հետ այս կապակցությամբ բանակցություններ վարելու» պատրաստակամության մասին: Նա առաջարկել է այս տարի կազմակերպել Հյուսիսային Կորեայի եւ Ռուսաստանի առաջնորդների բարձր մակարդակով հանդիպում՝ հանուն երկկողմ հարաբերությունների հետագա զարգացման:
