նախընտրելի դարձնելՀՀ վարչապետի պաշտոնակատար Նիկոլ Փաշինյանը հստակ ցույց տվեց, որ նրա համար «Իմ Քայլ» դաշինքի շահերը ավելի կարեւոր են, քան երկրի շահերը: Այս մասին նոյեմբերի 26-ին՝ մամուլի ասուլիսի ժամանակ, հայտարարեց ՀՀԿ փոխնախագահ Արմեն Աշոտյանը` խոսելով նախընտրական քարոզարշավին մասնակցելու նպատակով երկշաբաթյա արձակուրդի գնալու վերաբերյալ Փաշինյանի որոշման մասին:
Նրա խոսքով, այսօր Հայաստանը լավագույն վիճակում չէ, ինչի կապակցությամբ Փաշինյանը չպետք է քաղաքական նկրտումների համար արձակուրդ վերցներ: «Միթե նրա համար երկրում տիրող տնտեսական եւ սոցիալական իրավիճակը, ՀԱՊԿ-ի հետ կապված հարցերը կարեւոր չեն»: Փաշինյանը գնաց նոր ձայների հետեւից: Նա միեւնույն է կհաղթի ընտրություններին, բայց նա ցանկանում է ավելի շատ ձայներ հավաքել», - ասաց ՀՀԿ փոխնախագահը:
Աշոտյանը պատմեց նաեւ, թե ինչու էր նախօրեին սոցիալական ցանցերում թրոլլինգ անում Փաշինյանի «Երկրի հակառակ կողմը» գիրքը: Ըստ նրա, նա գիրքը վերցրել է որպես քարոզչական նյութ ընթերցելու համար, քանի որ «Իմ քայլը» դաշինքի նախընտրական ծրագիրը դեռեւս հասանելի չէ:
«Նրանք դեռեւս չունեն նախընտրական ծրագիր, ես թերթում եմ այս գիրքը, որպեսզի հասկանամ, թե ինչ է մեզ սպասվում», -ասաց նա:
«Չնայած ներկայիս իշխանությունների հասցեին մեր քննադատությանը, մենք ցանկանում ենք, որ Հայաստանը դուրս գա այս անկայուն իրավիճակից եւ պայծառ ապագա ունենա», - հավելեց Աշոտյանը:
