նախընտրելի դարձնելՊարոն Թունյանն ասաց, որ միայն մեզ մոտ են լավ մտքերը, լավ առաջարկները, բայց ես կարծում եմ, որ բոլոր պատգամավորների մոտ էլ եւ լավ, եւ վատ, եւ քննարկելի առաջարկներ են արվում: Այս մասին, այսօր՝ ԱԺ-ում հայտարարեց ԲՀԿ խմբակցության պատգամավոր Սերգեյ Բագրատյանը:
«Մենք այստեղ չենք կարեւորում, թե ով է առաջարկն անում, կարեւորում ենք, որ այդ լուծումը ստանանք: Բնականաբար, երբ կառավարության նխագծերը բերում են, որ իշխանության պատգամավորները պաշտպանում են այդ նախագծերը, ընդդիմությունը պետք է քննադատի դրանք՝ գտնելով թերությունները: «Իմ քայլը» պետա է լսի այդ քննադատությունները, ականջալուր լինի եւ փորձի վերլուծելով հասկանալ՝ արդյոք այս առաջարկը առողջ առաջարկ է, թե ձեւական: Բնական է, որ մենք փորձելու ենք նախագծերի խոցելի տեղերը ձույց տանք»,-ասաց Բագրատյանը:
Նա նաեւ օրինակ բերեց՝ նշելով. «Օրինակ, գյուղում իրենց տանը նստած մեր տատիկ-պապիկները, որ տանը հազիվ շարժվում է, փոստատարը բերում իր 40 հազար դրամ թոշակը բերում տալիս է: Տատիկը գնում մոմ է առնում, խունկ է առնում, հա է առնում ու ապրում է: Հիմա եթե մենք տատիկին փողը փոխանցեցինք քարտի վրա, տատիկը ո՞նց է բանկոմատից փող ստանալու: Պատկերացնո՞ւմ եք 90 տարեկան տատիկի բանկոմատի դեմը կանգնած: Դեռ մի 30 կմ էլ պետք է գնա, որ հասնի մոտակա քաղաքը, որտեղ կա բանկոմատ: Տեխնիկապես դա հնարավո՞ր է, թե ոչ»:
Սերգեյ Բագրատյանը մեկ այլ փաստարկ բերեց. «Կամ թոռնիկները խնդրում են, ասում են՝ տատիկ ջան, մի հատ երաշխավորի էս վարկի տակ: Տատիկը ո՞նց կարա մերժի, ստորագրում է, մեկ էլ տեսար 30 տոկոս բռնագանձում եկավ: Այսինքն այդ թոշակների 30 տոկոսը ԴԱՀԿ-ն կտանի»,-ասաց Բագրատյանը՝ հավելելով, որ օրենքին դեմ չի, բայց պետք է լուրջ մտածել դրա կիրառման մասին:
