ՆախընտրելիՍայաթ-Նովայի պողոտայում հուլիսի 28-ին ոստիկանության պարեկապահակետային ծառայության գնդի 1-ին գումարտակի 2-րդ վաշտի ծառայողները գիշերային ծառայության ընթացքում նկատել են մի երիտասարդի, որը տեսնելով իրենց` փախել էր։
Այս մասին տեղեկանում ենք Ոստիկանությունից:
Ոստիկանները հետապնդել են երիտասարդին, Թումանյան փողոցում հայտնաբերել և, գողություն կատարելու կասկածանքով, բերման ենթարկել ոստիկանության Կենտրոնական բաժին։
Բաժնում ճշտվեց երիտասարդի ինքնությունը՝ Սարի թաղի 20-ամյա բնակիչ։ Պարզվեց, որ երիտասարդը բռնվելուց րոպեներ առաջ տեխնիկական միջոցների գործադրմամբ բացել էր Սայաթ-Նովայի պողոտայի սրճարաններից մեկի դուռը և սրահից հափշտակել պլանշետ։
Տուժողից ընդունվել է հաղորդում։
Գողոնը հայտնաբերվել է։
20-ամյա երիտասարդը ձերբակալված է։
Հարուցված քրեական գործի նախաքննությունը շարունակվում է։
