ՆախընտրելիՕգոստոսի 14-ին, ժամը 16.30-ի սահմաններում, բնապահպանական ոլորտի իրավախախտումներ հայտնաբերելու եւ կանխարգելելու նպատակով ոստիկանության Անիի բաժնի ծառայողները Ձորակապ գյուղի վարչական տարածքում ստուգել են Լոռու մարզի Սարահարթ գյուղի 45-ամյա բնակչի` փայտանյութով բեռնված «Ֆորդ տրանզիտ» մակնիշի մեքենան: Այս մասին հայտնում են ՀՀ ոստիկանության լրատվության ծառայությունից։
Վարորդը վառելափայտի օրինականությունը վկայող փաստաթուղթ չի ներկայացրել, հայտնել է, որ փայտը ձեռք է բերել, Լոռու մարզի Մարց գյուղի հարակից անտառից:
Փայտանյութով բեռնված մեքենան տեղափոխվել է ոստիկանության Անիի բաժնի հատուկ պահպանվող տարածք:
Նշանակվել է մասնագիտական ստուգում:
Հանգամանքները պարզվում են:
Փաստի առթիվ նախապատրաստվում են նյութեր:
