նախընտրելի դարձնելYerevan.Today-ը գրում է. «Օրեր առաջ Yerevan.Today-ը հրապարակել էր տեսանյութ, որտեղ առանձնացրել էինք ակցիաների ժամանակ բիրտ ուժ կիրառող ոստիկանների գործողությունները, որտեղ հստակ երեւում էր նրանց դեմքերը:
Մենք նաեւ դիմել էինք մեր ընթերցողներին՝ խնդրելով, եթե ճանաչում են տեսանյութի ոստիկաններին, նրանց անունները նշել մեկնաբանություններում: Տեսանյութի հրապարակումից հետո մենք ստացանք շատ արձագանքներ, մեզ ուղարկել էին նաեւ ոստիկաններից մի քանիսի անուններն ու ֆեյսբուքյան էջերը:
Ստորեւ ներկայացնում ենք տեսանյութ՝ արդեն նշելով նաեւ այդ ոստիկանների անունները:
Հիշեցնենք, որ Նիկոլ Փաշինյանի հրաժարականի պահանջով ընթացող ակցիաների ժամանակ կան ոստիկաններ, որոնք շատ հաճախ առանց պատճառի խաղաղ ակցիա իրականացնող քաղաքացիների նկատմամբ անհամաչափ ուժ են կիրառում եւ բերման ենթարկում: Օրեր առաջ էլ նման ոստիկանների գործողությունների հետեւանքով քաղաքացիներից մեկը ստացավ գլխուղեղի վնասվածք: Բիրտ ուժ գործադրելով բերման են ենթարկվում անգամ երիտասարդ աղջիկների։
Նորից դիմում ենք մեր ընթերցողներին՝ եթե ճանաչում եք տեսանյութի ոստիկաններին, նրանց անունները նշել մեկնաբանություններում կամ գրել նամակ մեր ֆեյսբուքյան էջին»։
