նախընտրելի դարձնելՍոսիների պուրակը, որտեղ մեկնել էր Ադրբեջանի նախագահ Իլհամ Ալիեւը, գտնվում է տարածքներում, որոնք հանձնվել են դեկտեմբերի 18-ից հետո: Այս մասին լրագրողների հետ զրույցում ասաց անկախ պատգամավոր Աննա Գրիգորյանը:
Նրա խոսքով՝ հայկական կողմը նոր դիրքեր չի զիջել, սակայն տարօրինակ է, որ այդ այցից հետո վարչապետը որեւէ հայտարարություն չի արել Սյունիքի մարզի անվտանգության մասին:
Նա անթույլատրելի է համարում Սյունիքի բնակիչներից մեկի տուն Փաշինյանի գիշերային այցը, քանի որ դա հոգեբանական ազդեցություն է մարդկանց վրա:
Գրիգորյանն ընդգծեց, որ այն հայտարարությունը, որ մարդիկ դուրս են եկել ցույցի, եւ այդ գործողություններն ուղղված են ինչ-որ մեկի դեմ, կեղծ օրակարգ է:
«Հայաստանում իշխանության հանդեպ ամենատարբեր տրամադրություններ են, եւ դրանից ելնելով՝ իշխանությունը մարդկանց կիսում է «յուրայինների» եւ «օտարների»: Հայտնի իրադարձությունների ժամանակ որեւէ կազմակերպված խումբ չի եղել: Ես գիտեմ այնտեղ բնակվող մարդկանց տրամադրությունները: Եթե Փաշինյանը կարողանար խնդիրները լուծել, ապա նա դա կաներ, երբ Կապան-Գորիս եւ Կապան-Ճակատեն ճանապարհի հարցով զիջումներ էին արվում»,-եզրափակեց Գրիգորյանը:
NEWS.am-ի հետ զրույցում «Կանաչ Արցախ կենսոլորտային համալիր» ՊՈԱԿ-ի տնօրեն Վահրամ Հայրապետյանը նշել էր, որ Ալիեւների լուսանկարն արվել է Արցախի բնապահպանության կոմիտեի «Կանաչ Արցախ կենսոլորտային համալիր» ՊՈԱԿ-ի «Սոսիների պուրակ» արգելավայրում, դա ընկնում է Կովսականի (Զանգելան) տարածքում:
