նախընտրելի դարձնելԱրարատի մարզպետ Ռազմիկ Թեւնյանը իր մարզում կայանալիք ՏԻՄ ընտրություններում ՔՊ-ի թեկնածուների շանսերը նորմալ է գնահատում: Այս մասին նա նշեց այսօր՝ նոյեմբերի 5-ին, Աժ-ում լրագրողների հետ զրույցում:
Մարզպետը քայլելով էր խոսում, իսկ երբ լրագրողներից մեկը միկրոֆոնը մի քիչ մոտեցրեց նրան, նա արձագանքեց. «Լավ, էտի մի կոխի բերանս, գնա էն յան, այ քեզի բան»:
Հարցին, թե ինչ էր պատճառը, որ ժամանակին հրաժարական տվեց մարզպետի պաշտոնից, ապա փոշմանեց, Թեւոնյանը պատասխանեց. «Պատճառը դու էիր»:
Մարզպետին հարց ուղղեցին նաեւ Տիգրանաշեն գյուղի մասին, որը տարբեր խոսակցությունների համաձայն հնարավոր է փոխանցվի Ադրբեջանին, երբ լրագրողը հիշեցրեց, որ մարզպետն այդ գյուղում աձանձնատուն ունի, նա ասաց. «Բա որ էդքան բանը գիտես, ինչի ես ինձ տենց հարց տալիս: Այսինքն էդ բանը չի կարա լինի: Նման հարց չի եղել եւ չի լինի: Հանգստացա՞ք: Վերջերս մի մարդ եկել էր Վայքից, որ տուն առներ Տիգրանաշենում: Երեւանի տների գին ասեցին: Տիգրանաշենում բոլոր մարդիկ ապրում են, լրիվ պայմաններոը կա ապրելու եւ ապրելու են:
Իմ առանձնատունը իմ վրա նստել է 200 հազար դոլար: Սարքել եմ 1997 թվականին: Ես ծախելու չունեմ: Մյուս անգամ էդ տեսակ անտակտ հարցեր տաս»:
Դիտարկմանը, թե ինչո՞ւ եք անհարգալից արտահայտվում լրագրողների հասցեին, Թեւանյանը նույն բռիությամբ պատասխանեց. «Որովհետեւ դուրս չես գալիս, դու արա»:
