նախընտրելի դարձնելԳլխավոր դատախազության դիմաց բողոքի ակցիան ավարտվեց:
Ընդդիմադիր «Հայաստան» խմբակցության պատգամավոր Արթուր Ղազինյանը համոզմունք հայտնեց, որ եթե գլխավոր դատախազն իր տեղում լիներ, Նիկոլ Փաշինյանն ու նրա համախոհները կկալանավորվեին, եւ մենք կազատվեինք հակապետական ռեժիմից:
Նա ընդգծեց, որ կգա ժամանակը եւ դատախազության գործողություններին իրավական գնահատականներ կտրվի։
«Համայնքների ձերբակալված ղեկավարները մեղավոր են միայն այն բանի համար, որ տեղական ինքնակառավարման մարմինների ընտրություններում հաղթանակ են տարել իշխանությունների նկատմամբ։
Հայաստանի իշխանությունները բռնաճնշումների են գնում մարդկանց դեմ, ովքեր համարձակություն ունեցան կռվել Ադրբեջանի դեմ:
Այսքան քաղբանտարկյալներ Հայաստանի պատմության մեջ չի եղել. 4 տարի առաջ սա հասարակական մեծ ընդվզում ու անհանգստություն կառաջացներ միջազգային կազմակերպությունների մոտ։
Նիկոլ Փաշինյանը խոստովանեց, որ ինքն է հրամայել դուրս գալ Հայաստանի ինքնիշխան տարածքներից»,- ասաց պատգամավորը։
Նա հավելեց, որ ընդդիմությունը հետ չի նահանջի:
