Բելառուսի նախագահ Ալեքսանդր Լուկաշենկոն հայտարարել է, որ ՌԴ նախագահ Վլադիմիր Պուտինը ռազմական աջակցություն է խոստացել Բելառուսին՝ Ուկրաինայի կողմից ներխուժման դեպքում, հաղորդում է «БелТА» գործակալությունը։

«Բելառուսի վրա ցանկացած հարձակում եւ սահմանի միջով գեթ մեկ քայլ կնշանակի, որ նրանք հարձակվում են Ռուսաստանի վրա»,- ասել է նա։

Լուկաշենկոյի խոսքով՝ աջակցության շրջանակում Ռուսաստանի եւ Բելառուսի զինված ուժերի խմբավորումների մի հատվածը պահեստավորվել է՝ Բելառուսում տեղակայվելու համար, այն դեպքում, եթե Մինսկի վրա հարձակում լինի։

Լուկաշենկոն նաեւ հայտարարել է, որ Արեւմուտքը ծրագիր է մշակել, թե ինչպես Լեհաստանից  եւ Լիտվայից թիկունքից հարվածել Ռուսաստանին հակամարտության սկսվելուց հետո։ Մինսկը մշակել է դրա պատասխանը։

Լուկաշենկոյի խոսքով՝ ինքն արդեն նախնական տեղեկություն է ստացել, որ Լեհաստանում եւ Լիտվայում խմբավորումներ են ստեղծվում, որպեսզի հակամարտության սկսվելուց հետո անցնեն Բելառուսի տարածքով օդային ուղեգծով եւ ցամաքային ճանապարհով եւ թիկունքից հարվածեն Ռուսաստանին։