նախընտրելի դարձնելՈւկրաինայի եւ Թուրքիայի արտգործնախարարներ Դմիտրի Կուլեբան եւ Մեւլյութ Չավուշօղլուն Անթալիայում կայացած հանդիպման ժամանակ պայմանավորվել են Ռուսաստանի եւ Ուկրաինայի միջեւ պատերազմին վերջ տալու քայլերի շուրջ, հաղորդում է Ուկրաինայի ԱԳՆ-ն։
Կուլեբան «երախտագիտություն է հայտնել Թուրքիային՝ ուկրաինացի ժողովրդի դեմ Ռուսաստանի բարբարոսական պատերազմի ֆոնին քաղաքական եւ մարդասիրական աջակցության համար»։
Նախարարները քննարկել են Ուկրաինայի տարածքում ռազմական գործողությունները դադարեցնելուն ուղղված քայլերը։ Այս համատեքստում Կուլեբան շնորհակալություն է հայտնել Չավուշօղլուին Ռուսաստանի արտգործնախարարի հետ հանդիպում կազմակերպելու նախաձեռնության համար։
Նա նախանշել է երեք հիմնական հարց՝ «հրադադարի անհապաղ դադարեցում, մարդասիրական իրավիճակի բարելավում Մարիուպոլում, Խարկովում, Սումիում եւ Ուկրաինայի այլ քաղաքներում, ռուսական զորքերի դուրսբերում»։
Կուլեբան Թուրքիային կոչ է արել շարունակել Մոսկվայի հետ աշխատանքը՝ դադարեցնելու Ուկրաինայում արյունահեղությունը։
