նախընտրելի դարձնելՀազարավոր մարդիկ կիրակի միացել են Ֆրանսիայի ողջ տարածքով անցկացվող մայիսմեկյան ցույցերին՝ սոցիալական արդարություն եւ աշխատավարձի բարձարցում պահանջելու եւ ստիպելու վերջերս վերընտրված նախագահ Էմանուել Մակրոնին հրաժարվել թոշակի տարիքը բարձրացնելու ծրագրից, հաղորդում է Reuters-ը:
Նախագահական նախընտրական քարոզարշավի գլխավոր թեման կյանքի արժեքն է եղել, որը կդառնա նաեւ գլխավոր թեման հունիսին կայանալիք օրենսդրական մարմնի ընտրություններին ընդառաջ:
Մոտ 250 հանրահավաք է տեղի ունեցել Փարիզում, ինչպես նաեւ այլ քաղաքներում, այդ թվում՝ Լիլիում, Նանտում, Թուլուզում եւ Մարսելում:
Ֆրանսիայի մայրաքաղաքում արհմիությունների ակտիվիստներին միացել են նաեւ քաղաքական գործիչներ:
Երթի մասնակիցները պաստառներ էին պատրաստել «Թոշակ, նախքան արթրիտը», «Թոշակի 60 տարեկանում, սառեցրեք գները» եւ «Մակրոն, հեռացի՛ր» գրություններով:
Հիշեցնենք, որ Մակրոնը նախագահի պաշտոնում վերընտրվել է անցյալ կիրակի:
