նախընտրելի դարձնելԱրդեն շուրջ մեկ ժամ է, որ ընդդիմադիրների կազմակերպած երթը հասել է Բաղրամյան պողոտա եւ փակել այն: Ժամանակ առ ժամանակ հնչում են կարճ ելույթներ:
Հավաքվածները վանկարկում են «Նիկոլ դավաճան», «Նիկոլ, հեռացիր»:
Մի պահ իրավիճակը լարվեց Դեմիրճյան փողոցի հատվածում, որտեղ ոստիկանական շղթա է կանգնած՝ սաղավարտներով ու վահաններով:
ԱԺ փոխնախարար, «Հայաստան» խմբակցության պատգամավոր Իշխան Սաղաթելյանը ոստիկաններին ասաց. «Ուզում ես հիմա էս ճանապարհը բացի, ինքը վախից փախնելու ա: Եկեք մի հատ փորձենք, սենց անենք, տեսնենք չի վախենո՞ւմ»: Սաղաթելյանը հայտարարեց, որ սպասում են, որ իրենց միանան ընդդիմադիր պատգամավորները, որոնք գտնվում են Ազգային ժողովի շենքում:
Նշենք, որ այս պահին Դեմիրճյան փողոցը փակ է ոստիկանների կողմից; Սաղավարտներով ու վահաններով զինված ոստիկանները մի քանի շարքով փակել են այն:
ԱԺ-ում «Հայաստան» խմբակցության պատգամավոր Արմեն Ռուստամյանը ընթերցել է Նիկոլ Փաշինյանի հրաժարականի հանրային պահանջը:
