ԱԺ «Հայաստան» խմբակցության պատգամավոր Գեղամ Մանուկյանի գլխավորած անհնազանդության երթը հասել է Բագրատունյաց պողոտա՝ Երեւանյան լճի հարեւանությամբ, որտեղ ցուցարարները նստեցին փողոցում եւ ամբողձությամբ փակեցին այն:

Գեղամ Մանուկյանը դիմելով հավաքվածներին, ասաց. «Ոստիկանները խնդրում են, որ փողոցը բացվի, բայց Հայաստանում իրողություններ են փոխվել, տերը քաղաքացին է, Նիկոլն էլ իշխանություն չունի: Մենք կորոշենք՝ կբացենք: Պատգամավորներով կխորհրդակցենք եւ որոշումը կփոխանցենք մեր հայրենակիցներին»:

Նշենք, որ այստեղ են ԱԺ ընդդիմադիր պատգամավորներ Մխիթար Զաքարյանը, Էլինար Վարդանյանը, Գեղամ Նազարյանը, Արմենուհի Կյուրեղյանը, Արամ Վարդեւանյանը, Ագնեսա Խամոյանը ինչպես նաեւ ՀՀ երկրորդ նախագահ Ռոբերտ Քոչարյանի որդին՝ Լեւոն Քոչարյանը:

Որոշ ժամանակ անց ոստիկանները տեսնելով, որ փողոցի չի բացվում, մոտեցան ցուցարարներին եւ սկսեցին հրելով բացել փողոցը: Ուժեղ հրմշտոց սկսվեց, կարմիր բերետավորները սկսեցին ուժ գործադրելով բերման ենթարկել երթի մասնակիցներին:

Ցուցարարները վանկարկում էին՝ «պայքար», «Արցախ», «առանց թուրքի Հայաստան»:

Ցուցարարներից մի երիտասարդի ինքնազգացողությունը վատացավ, ոստիկանները նստեցրին նրան գետնին, ջրով ցողեցին դեմքը: Երբ երիտասարդն ուշքի եկավ, սկսեց վանկարկե լ՝ «Արցախ»: Ոստիկանները նրան եւս բերման ենթարկեցին:

Որոշ ժանմանակ անց ցուցարարները շարունակցեին երթը:

Նշենք, որ այսօր ժամը 12-ին Երեւանում չորս ուղղությունով անհնազանդության երթեր և ակցիաներ են մեկնարկել: Առաջին երթը մեկնարկել է Գայի պողոտայից՝ «Մեգամոլ» առևտրի կենտրոնի մոտից, երկրորդը Րաֆֆու փողոցից՝ Անդրանիկի արձանի մոտից, երրորդը՝ 15 թաղամասից՝ Չաուշի արձանի մոտից և չորրորդը՝ Սասունցի Դավթի արձանի մոտից։

Ժամը 19.00-ին Ֆրանսիայի հրապարակում տեղի կունենա ամփոփիչ հանրահավաք։

Ավելի վաղ NEWS.am-ը հայտնել էր, որ մայիսի 2-ից խաղաղ անհնազանդության ակցիաներ են սկսվել Երեւանում, ամեն օր փակվում են մի շարք փողոցներ: Մայիսի 2-ից Երևանի Ֆրանսիայի հրապարակում հանրահավաքներ են իրականացվում։