ՆախընտրելիՄենք արդեն երկար ժամանակ է ֆիքսում ենք, որ գալու է այն օրը, երբ Նիկոլ Փաշինյանը ստիպված է լինելու ընտրել «կամ-կամ»-ը, չի կարող լինել եւ-եւ»-ը, այն էլ աշխարհաքաղաքական այս իրավիճակում: Այս մասին, այսօր՝ հոկտեմբերի 28-ին, «Լազարյան ակումբի» նիստից առաջ, լրագրողների հետ զրոույցում նշեց քաղտեխնոլոգ Կարեն Քոչարյանը:
Նրա խոսքով, երեկ ՌԴ նախագահ Պուտինն իր պատասխանում հասկացրեց, որ չփորձեք իմ կամ Ռուսաստանի «ջեբը գցել» այդ խնդիրը. «Դա ձեր խնդիրն է, ոնց լուծեք, այդպես մենք տեր ենք: Կուզենա՞ք Արցախը լինի Ադրբեջանի կազմում, մենք կհամաձայնենք, չեք ուզենա, մենք կփորձենք օգնել: Սա էր ամբողջ էությունը: Նիկոլ Փաշինյանը չի ասում՝ Ռուսաստանն ինչ է առաջարկել, այունամենայնիվ, առաջարկել է Արցախը մնա՞ Ադրբեջանի կազմում, թե՞ ստորագրվի եւ ճանաչվի միմյանց տարածքային ամբողջականությունը՝ առանց Արցախի: Կապրենք կտեսնենք: Ինձ թվում է, որ այս իշխանություններն այդքան երկար ժամանակ չունեն, իրենք ստիպված են լինելու ընտրություն կատարել»,-ասաց նա:
