նախընտրելի դարձնելՊուտինը համաձայնեց, որ խաղաղության պայմանագրի տարբեր տարբերակներ կան։ Այս մասին NEWS.am-ի թղթակցի հետ զրույցում ասաց քաղաքագետ Ալեքսանդր Իսկանդարյանը՝ մեկնաբանելով «Վալդայ» բանավիճային ակումբում հանդիպման ժամանակ ՌԴ նախագահ Վլադիմիր Պուտինի պատասխանն իր իսկ հարցին։
«Իմ հարցում ես «Վաշինգտոն» բառ չեմ ասել, նա ասաց։ Այսինքն՝ նա ակնհայտորեն կարծում է եւ ընկալում է, որ կա մի առաջարկ, որին Ռուսաստանը համաձայն է, եւ կա մեկ այլ առաջարկ, որը նա անվանում էր ամերիկյան»,- նշեց Իսկանդարյանը։
Փորձագետը պարզաբանեց, որ երկու նախագծերի միջեւ մրցակցության փաստը արձանագրվել է։
«Պուտինն ասում էր, որ Հայաստանն ինքը պետք է ընտրի։ Երկրներն իրենք են ընտրում իրենց ճակատագիրը, բայց դա անում են հանգամանքների ազդեցության տակ, իսկ հանգամանքները, ինչպես ասաց Պուտինը, Հայաստանի համար այնքան էլ բարենպաստ կերպով չեն դասավորվում։ Նա խոսեց այն սխալների մասին, որոնք կատարվել են։ Նա ասաց, որ կա ընտրություն, կարելի է խոսել դրա մասին, եւ պետք է մի հարթակ, որը հարմար կլինի Հայաստանի համար, բայց հարմար կլինի նաեւ Բաքվի համար։ Չէի ասի, թե նա ինչ-որ սարսափելի գաղտնիքներ ասաց, բայց նա հստակ հաստատեց տարբերակների առկայությունը, որոնց միջեւ պետք է ընտրել»,- ընդգծեց Իսկանդարյանը։
