նախընտրելի դարձնելԱրեւմուտքն առաջարկում է Ղարաբաղը ներառել Ադրբեջանի կազմում, իսկ Հայաստանի վարչապետ Նիկոլ Փաշինյանը Պրահայում տվել է իր համաձայնությունը՝ չանդրադառնալով կարգավիճակի հարցին։ Այս մասին NEWS.am-ի թղթակցի հետ զրույցում ասաց «Հայաստան» դաշինքի պատգամավոր Աննա Գրիգորյանը։
Նրա խոսքով, այս պայմաններում աբսուրդ է գնալ Մոսկվա եւ համաձայնություն հայտնել ռուսական դիրքորոշման հետ, քանի որ Ադրբեջանի նախագահը կարող է հիշել նախկինում տված խոստումները։
Նա վստահություն հայտնեց, որ Փաշինյանի համար կարեւոր չէ՝ Ղարաբաղը կլինի Ադրբեջանի կազմում, թե՞ ոչ։
«Եթե Հայաստանը բոլոր հարթակներում իր սկզբունքային դիրքորոշումն առաջ քաշեր, իրավիճակն այլ կլիներ»,- հավելեց Գրիգորյանը։
Չնայած Սոչիի հայտարարության մեջ Ղարաբաղի մասին խոսք չկա, թեեւ ՌԴ նախագահը Վալդայի ֆորումում ասել է, որ հայերն իրենք պետք է որոշեն, թե ինչ են ուզում Ղարաբաղում, այնուամենայնիվ, ըստ պատգամավորի, ամեն ինչ չէ, որ կորած է։
Նա ընդգծեց, որ եթե Հայաստանը ներկայացներ բանակցող, ով ինքը համոզված լիներ, որ պետք է խոսել Ղարաբաղի կարգավիճակի եւ խաղաղապահների մասին, ապա այդ հարցերը կներառվեին։
«Վստահ եմ, որ Ղարաբաղի հանրահավաքը շատ կարեւոր էր, այն արձանագրվել է աշխարհաքաղաքական տարբեր կենտրոնների կողմից։ Երեկ Գորիսում եվրոպացի պատգամավորները անդրադարձել են Ղարաբաղի կարգավիճակի հարցի լուծման, ինչպես նաեւ Հայաստանում հանրահավաք անցկացնելու կարեւորությանը, որպեսզի տարբեր վայրերում կարողանան անդրադառնալ Հայաստանում եւ Ղարաբաղում առկա ժողովրդի կամքին, որը արտահայտվում է հանրահավաքով, եւ չի՛ արտահայտվում մեկ անձի կողմից՝ ի դեմս Փաշինյանի»,- նշեց Գրիգորյանը։
