նախընտրելի դարձնելՄենք նկատեցինք, որ մեր դեսպանատների ֆինանսավորմանը մասնակցում են մասնավոր անձինք: Այս մասին, այսօր՝ նոյեմբերի 16-ին, ԱԺ-ում կառավարության հետ հարցուպատասխանի ժամանակ նշեց վարչապետ Նիկոլ Փաշինյանը:
«Շատ շնորհակալ ենք, որ 90–ականներին սփյուռքի մեր շատ հայրենակիցներ աջակցել են դեսպանատներ հիմնելու գործում, բայց 2019-2020 թվականին մասնավոր ֆինանսավորումով դեսպանատո՞ւն... Պատկերացրեք` ՀՀ ոստիկանությունում լինի մի բաժին, որի փողը տալիս է, ասենք, «մասիվցի մեր սիրելի հայրենակից էսինչ–էսինչյանը»: Մեր արձագանքը ինչպիսի՞ն պետք է լինի»,– նշեց վարչապետը ու հավելեց, որ արգելել է նման ֆինանսավորումը։
«Կամ ասենք՝ ԱԺ այսօրվա նիստերի հովանավորն է այսինչ այսինչյանը։ Տարօրինակ հանգամանքներ են բացահայտվում,: Օրինակ, շատ տեղերում մեզ թվացել է, որ շատ ուժեղ համայնք ունենք, ուժեղ դեսպան ունենք, բայց պարզվել է, որ մեր դեսպանատունը մի շենքի միջանցք է։ Այդտեղ մենք նորմալ շենքեր ենք ձեռք բերում, որպեսզի երկիրը ներկայանալի լինի», - ասաց վարչապետը։
