նախընտրելի դարձնելԱկցիան կշարունակվի այնքան ժամանակ, քանի դեռ ճանապարհն ամբողջությամբ ապաշրջափակված չէ, եւ չեմ բացառում, որ կարող եմ բողոքի ակցիայի ավելի խիստ ձեւերի դիմել։ Այս մասին դեկտեմբերի 15-ին լրագրողների հետ զրույցում ասաց Ղարաբաղի պետական նախարարի խորհրդական Արտակ Բեգլարյանը։
Նա պարզաբանեց, որ դա կախված է իրավիճակից։
«Մենք փակել ենք մեքենաների համար ՄԱԿ-ի գրասենյակ մուտքն ու ելքը։ Սա սիմվոլիկ է․ քանի դեռ փակ է Ղարաբաղի մուտքը, պետք է փակ լինի նաեւ մուտքը ՄԱԿ-ի գրասենյակ », – հավելեց Բեգլարյանը։
Հիշեցնենք, որ Արտակ Բեգլարյանը դեկտեմբերի 14-ին ՄԱԿ-ի երեւանյան գրասենյակի դիմաց նստացույց էր սկսել՝ ի պաշտպանություն Ղարաբաղի։
