նախընտրելի դարձնելԱզատության հրապարակից այսօր՝ դեկտեմբերի 20-ին, մեկնարկած քայլերթն ավարտվեց ՄԱԿ-ի գրասնեյակի մոտ, որտեղ ակցիայի ավարտին հնչեց Արցախի Հանրապետության հիմնը:
Ակցիայի մասնակիցները, որոնց թվում կային մշակույթի, արվեստի գործիչներ, քայլեցին Հյուսիսային պողոտայով, Հանրապետության հրապարակո, Վազգեն Սարգսյան փողոցով, կանգ առան եւ կոչեր հնչեցրին Ֆրանսիայի, ՌԴ դեսպանատների առջեւ եւ ակցիան ավարտեցին Հայաստանում ՄԱԿ-ի գրասենյակի մոտ:
Նրանք քայլերթի ժամանակա վանկարկում էին` «Բացեք կյանքի ճանապարհը», «Ալիեւին պատժեք» եւ այլ կոչեր էին հնչեցնում:
Երգիչ Արտեմ Վալտեր, ով նախաձեռնության հեղինական էր, NEWS.am-ի հետ զրույցում ասաց, որ իրենց պահանջը մեկն է` բացել կյանքի ճանապարհը, որը չբացելու դեպքում հանգեցնելու է հումանիտար աղետի:
«Սա շատ լուրջ հումանիտար աղետ է ու խնդիր, որը պետք է լուծվի ու բոլորի հանդեպ մեր պահանջը մեկն է` մեր ձայնը լսելի լինի, հասնի տեղ ու անհապաղ բացեն կյանքի ճանապարհը»,- ասաց նա:
Նշենք, որ արդեն 9-րդ օրն է` Ադրբեջանը փակել է Արցախը Հայաստանին եւ աշխարհին կապող միակ ճանապարհը: Արցախի 120 հազարանոց բնակչությունը, ներառյալ 30 հազար երեխա, գտնվում են շրջափակման մեջ։ Դադարեցվել է սննդամթերքի, դեղորայքի եւ առաջին անհրաժեշտության ապրանքների մատակարարումը։ Ծայրահեղ ծանր վիճակում գտնվող հիվանդներին չեն կարողանում տեղափոխել Հայաստան՝ բուժման համար։
Ադրբեջանի հանցավոր գործողությունների պատճառով Արցախը հայտնվել է հումանիտար ճգնաժամի շեմին։
