նախընտրելի դարձնելԵս ՄԱԿ Մարդու իրավունքների կոմիտեին կոչ եմ արել առաքելություն ուղարկել Լաչինի միջանցք եւ տեղում ծանոթանալ իրավիճակին։ Այս մասի դեկտեմբերի 29-ին լրագրողների հետ զրույցում ասել է Հայաստանի մարդու իրավունքների պաշտպան Քրիստիննե Գրիգորյանը։
Նա նշել է, որ Ադրբեջանը կեղծում է իրականությունը, ուստի առաքելություն ուղարկելն անհրաժեշտություն է։
Գրիգորյանը նաեւ հիշեցրել է, որ Ադրբեջանը չի ապահովում մարդու իրավունքներն Արցախի բնակիչների համար, եւ դա հիմք է ՄԱԿ գործողությունների համար։
«Ինչ վերաբերում է Կարմիր խաչի միջազգային կոմիտեին, ապա նա մանդատով կարող է ավելին անել, քան անում է հիմա, բայց կա իրական հնարավորության խնդիրը։ Հայաստանը եւ Արցախն անում են ամեն ինչ, որպեսզի այդ մանդատն օգտագործվի ավելի արդյունավետ եւ ավելի լայն։ Մենք նաեւ ՄԻԵԴ-ին տեղեկացրել ենք, որ հումանիտար շրջափակումը շարունակվում է, եւ 120 հազար մարդ գտնվում է հումանիտար ճգնաժամի վիճակում»,- ընդգծել է օմբուդսմենը։ Նա հույս է հայտնել, որ ՄԻԵԴ-ի արձագանքը կլինի արագ եւ իրավիճակին համարժեք։ «Միայն միջազգային հանրության գնահատականները մեզ չեն բավարարում, քանի որ իրավիճակը չեն փոխում»,- ասել է նա։
