նախընտրելի դարձնելՍոցիալական ցանցերում մի տեսանյութ է տարածվել, որում երեւում է, որ Երեւանի այգիներից մեկում հանգստացող կնոջը մոտեցել են երկու ոստիկանության կին աշխատակիցներ եւ խուզարկել նրա պայուսակն ու գրպանները՝ պատճառաբանելով, թե հենց նրա անվտանգությունից ելնելով են խուզարկություն իրականացնում:
Կինը այս խուզարկությունը տեսագրել է հեռախոսով:
«Ես իմ քաղաքում գալիս եմ հանգստանալու եւ սթրեսի եմ ենթարկվում»,- ասում է կինը ոստիկաններին:
Խուզարկելուց եւ ոչինչ չհայտնաբերելուց հետո ոստիկանները ներողություն են խնդրում եւ հաճելի հանգիստ մաղթում կնոջը:
Տեսանյութն առաջացրել է օգտատերերի զայրույթը, որոնք վրդովված են կին ոստիկաննների վարվելակերպից:
Տեսանյութը վերցված է Ազգային-ժողովրդավարական Բևեռի Նոր Նորք ֆեյսբուքյան էջից:
