նախընտրելի դարձնելՇուշիի շրջանի գյուղերը հայտնվել են կրկնակի շրջափակման մեջ:
Արցախի հանրային ՀԸ-ն պատրաստած ռեպորտաժում ասվում է, որ դեկտեմբերի 12-ից Ստեփանակերտի հետ կապի հնարավորությունը կորցրած գյուղերը երեկվանից տրանսպորտային կապ չունեն նաև ՀՀ բնակավայրերի հետ:
Արդեն ուրվագծվում են պարենի հետ կապված դժվարությունները: Շուշիի վարչական շրջանի ղեկավարը ասում է, որ այսպես մի քանի օր էլ շարունակվելու դեպքում սննդի խնդիր է լինելու:
Իսկ առողջապահության ոլորտի մասին ավելորդ է անգամ խոսել: Այդ գյուղեր հասնելու հնարավորություն չունեն անգամ շտապօգնության մեքենաները:
