նախընտրելի դարձնելԱյս տարի կամավոր ատեստավորման գործընթացին մասնակցելու հնարավորություն կունենան բոլոր առարկաների ուսուցիչները: Այս մասին կառավարության լրատվական ծառայության հետ հարցազրույցում ասել է ԿԳՄՍ նախարարի տեղակալ Արաքսիա Սվաջյանը:
«Սա հնարավորություն կստեղծի ավելի մեծ մասնակցություն ունենալ, ներկայումս բոլոր առարկաների գծով մշակվում են թեստային առաջադրանքները եւ ուղեցույցները, մասնակիցների հայտագրման գործընթացը: Այս պահին արդեն ունենք 2000 հայտագրում»,-ասաց նա:
Նախարարի տեղակալը նշեց, որ շուտով ուղեցույցները կհրապարակվեն եւ մինչեւ հունիսի 15-ը ուսուցիչները հայտագրվելու հնարավորություն ունեն:
Ատեստավորման գործընթացը տեղի կունենա սեպտեմբեր ամսին, այն կունենա մարզային բաշխվածություն:
Մանրամասները՝ տեսանյութում:
