նախընտրելի դարձնելԱդրբեջանի արտաքին քաղաքականությունը, բազմաթիվ վերապահումներով, Թուրքիայում իշխանափոխության դեպքում առանց ռազմավարական ուղղորդման կմնա։ Այս մասին NEWS.am-ի «Ուժի գործոն» հաղորդման եթերում ասել է ՌԴ ԱԳՆ ՄՀՄՊԻ-ի ժողովրդական հետազոտությունների ինստիտուտի առաջատար գիտաշխատող, քաղաքագետ Նիկոլայ Սիլաևը։
Նրա խոսքով՝ Բաքուն որոշակի ժամանակ չի ունենա այնպիսի ատյան, որին հնարավոր կլինի դիմել արտաքին քաղաքական կարևոր որոշումներ կայացնելիս։
«Ադրբեջանի արտաքին քաղաքականությունը միշտ էլ մեծապես կախված է եղել նրանից, թե ինչ են մտածում Անկարայում, Մոսկվայում և Թեհրանում։ Տարբեր ժամանակներում այս հարաբերակցությունը տարբեր է եղել»,- նշել է Սիլաեւը։
Նա կարծում է, որ եթե ընդդիմությունը հաղթի Թուրքիայի ընտրություններում, ապա Անկարայի վերաբերմունքը Ռուսաստանի նկատմամբ ավելի պրագմատիկ կլինի։
«Եթե ընդդիմությունը հաղթի, ես ակնկալում եմ Թուրքիայի արտաքին քաղաքական պասիվություն՝ գոնե մի քանի ամսով, քանի որ դա ենթադրում է շատ խորը ներքաղաքական փոփոխություններ, և եթե Թուրքիան նոր ղեկավարություն ունենա, ապա այն մի քանի ամսվա ընթացքում ներծծված կլինի ներքին գործերի մեջ։
Հարավային Կովկասի համար այս անցումը բավականին հարթ կլինի։ Ինչ-որ իմաստով այս դադարը, որը տեղի կունենա Թուրքիայում արտաքին քաղաքականության առումով, վերաբերելու է նաեւ Ադրբեջանին»,- եզրափակել է քաղաքագետը։
