նախընտրելի դարձնելՀայաստանի վարչապետը Հայաստանի մոտ կադաստրային փաստաթղթերի բացակայության մասին իր հայտարարությամբ գիտակցաբար հնարավորություն տվեց թշնամաբար տրամադրված հարեւան պետություններին հիմնավորել իրենց ապագա ագրեսիայի գործողությունները։ Այս մասին այսօր՝ մայիսի 25-ին, լրագրողների հետ զրույցում ասաց ՀՀԿ անդամ, ընդդիմադիր պատգամավոր Հայկ Մամիջանյանը։ Նա համոզմունք հայտնեց, որ բանակցային սեղանին դրված է խաղաղության պայմանագրի ստորագրումից հետո Փաշինյանի իշխանության պահպանման երաշխիքների հարցը, դրա համար նա ատամներով կպայքարի, նա այդ բանակցությունները վարում է նրանց հետ, ովքեր կազմակերպել են 2018 թվականի իրադարձությունները:
Նրա խոսքով՝ Ալմա Աթայի հռչակագիրը կապ չունի ղարաբաղյան հակամարտության կարգավորման հետ, քանի որ Լեռնային Ղարաբաղն այդ փաստաթղթի ստորագրման պահին արդեն անկախ պետություն է դարձել: «Այդ հռչակագրի մասին միայն 2008 թվականին մեկ անգամ փորձեց խոսել Ադրբեջանի նախագահը։ Դրանից հետո ո՛չ ԵԱՀԿ ՄԽ-ն, ո՛չ էլ որեւէ մեկը չանդրադարձան այդ հռչակագրին»,-նշեց պատգամավորը։ Նա վստահեցրեց, որ ՀԱՊԿ-ի օգնության փաթեթը, որից հրաժարվել է Հայաստանը, ներառել է եւ՛ սպառազինությունը, եւ՛ զորախմբի տեղակայումը։ «Եթե այդ փաստաթուղթն այդքան վատն էր, ինչո՞ւ այն ՀԱՊԿ երկրների ղեկավարների մակարդակով համաձայնեցվեց։ Եթե փաստաթուղթը վատն է, ինչո՞ւ ԱԳ նախարար Միրզոյանը դեռ չի ազատվել աշխատանքից»,-տարակուսանք հայտնեց Մամիջանյանը։
