նախընտրելի դարձնելԲնակարան ստանալու համար փաստաթղթերի հանձնման վերջնաժամկետից` նոյեմբերի 1-ից գյումրեցի հարյուրավոր անօթեւան ընտանիքներին ընդամենը մեկ ամիս է բաժանում, սակայն հարյուրավոր ընտանիքներ չեն կարողանում պատրաստել պահանջվող բոլոր փաստաթղթերով համալրված փաթեթները:
Առավել անմխիթար է բազմադամ, մի քանի ընտանիքներից բազկացած, սակայն մեկ բնակարանի հավակնորդների վիճակը: Նրանցից շատերը չեն կարողանում գալ համաձայնության ստանալիք բնակարանի ապագա պատկանելիության շուրջ:
Նման իրավիճակում է հայտնվել նաեւ 82-ամյա Գեւորգ Հարությունյանի 8 անձից բաղկացած ընտանիքը:
«Շիրակ կենտրոնը» պարբերաբար նման ընտանիքների որեւէ անդամի խնդրանքով երկարատեւ, անգամ ամիսներ ձգձգվող բանակցություններ է վարում նույն ընտանիքի` տարբեր կողմ հանդիսացող անդամների հետ, որպեսզի բնակարան ստանալու նպատակով նրանք գան համաձայնության, համալրեն պահանջվող փաստաթղթերը եւ հանձնեն բնակարանների բաշխման հանձնաժողովին:
Այսօր եւս նման մի` կարծես թե հաջողված փորձ կատարվեց:
Առավել մանրամասն «Շիրակ կենտրոնը» ներկայացնում է իր պատրաստած տեսանյութում:
