նախընտրելի դարձնելԷջմիածնի «Քիմիկների» զորամասի անհետ կորած զինծառայողների ծնողները վաղ առավոտից Նիկոլ Փաշինյանի աշխատավայրի մոտ են՝ Բաղրամյան 26-ում, փակել են ճանապարհն ու պահանջում նրա հետ հանդիպում։
Տարեց մի քաղաքացի մոտեցավ անհետ կորած զինծառայողների մայրերին և հորդորեց նրանց գնալ Բաքու և այնտեղ անել իրենց ակցիան։
«Քո երեխան որտեղ ա»՞,-հարցրեց քաղաքացին։
«Ադրբեջանո՞ւմ»,- ասաց ծնողներից մեկը։
«Է գնա Բաքու ակցիա արա»,- արձագանքեց տարեց քաղաքացին, ինչից հետո վիճաբանություն եղավ նրա ու ծնողների միջև։
«Բաքո՞ւն է տարել իմ երեխային, որ գնամ Բաքու, ինչի՞ համար գնամ Բաքու»,- ասացին ծնողները։
Ոստիկանները հեռացրին տարեց քաղաքացուն։
Նշենք, որ ակցիային մասնակցում են Էջմիածնի N զորամասի («քիմիկների» զորամաս) զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ մարտական առաջադրանքի և սխալ հրամանի պատճառով նրանք հայտնվել էին շրջափակման մեջ ու անհետ կորել:
Նրանք փակել են Բաղրամյան պողոտա-Պռոշյան փողոց խաչմերուկը եւ պահանջում են հանդիպում Նիկոլ Փաշինյանի հետ: Նրանք մեկ շաբաթ առաջ էին Նիկոլ Փաշինյանի հանդիպելու պահանջով բողոքի ակցիա արել։ Փաշինյանը նրանց, սակայն, այդպես էլ չէր ընդունել։
