նախընտրելի դարձնելԻմ կարծիքով նաիվ էր Վարդան Օսկանյանի առաջարկը՝ երեք ամսով ինձ հնարավորություն տվեք բանակցություններ իրականացնել եւ ես կփոխեմ բանակցային օրակարգը, որովհետեւ ոչ մի դեպքում Նիկոլ Փաշինյանը չի զիջելու, չի հեռանալու եւ շարունակելու է այնել այն, ինչ անում է: Այս մասին NEWS.am-ի հետ զրույցում նշեց բանակցային գործի մասնագետ, կոնֆլիկտաբան Արթուր Մարտիրոսյանը:
Նրա խոսքով, Նիկոլ Փաշինյանը խնդիր ունի պահպանել իշխանությունը առնվազն մինչեւ 2026 թվականը, իսկ դրանից հետո էլ հարց է, թե արդյոք հնարավոր կլինի նրան հեռացնել իշխանությունից, թե ոչ:
Անդրադառնալով Բաքու-Ստեփանակերտ հնարավոր բանակցություններին, կոնֆլիկտաբանն ասաց, որ Ադրբեջանն արդեն որոշել է օրակարգը՝ ինտեգրում, հիմա էլ ինքը պետք է որոշի, թե ում հետ բանակցի. «Ադրբեջանը կարողանում է անել, որովհետեւ Փաշինյանն արդեն հրաժարվել է Արցախից: Եթե դու արդեն ասել ես, որ Արցախն Ադրբեջանի մաս է, տրամբանական է, որ Ադրբեջանն էլ ասում է՝ ես եմ որոշելու, թե ինչպես այդ մասն ինտեգրեմ, դարձնեմ իմ մասը»:
Ինչ վերաբերում է նրան, որ արդեն խոսքը այն մասին է, որ արցախցիների իրավունքները եւ Հայաստան ենթադրյալ վերադարձող ադրբեջանցիների իրավունքները նույն հարթության մեջ են դիտարկվում բանակցություններում, Արթուր Մարտիրոսյանն ասաց. «Ադրբեջանի քարոզչամեքենան այդ հարցը դեռ 1990-ականներին է դրել: Ասում էին՝ ինչու պետք է հայերն Ադրբեջանում ունենան ավտոնոմիա, իսկ Հայաստանի շուրջ 200 հազար ադրբեջանցիները չպետք է ունենան ավտոնոմիա: Հիմա այդ հարցը նորից օրակարգում է, որովհետեւ Ադրբեջանը թելադրում է օրակարգը: Դա կանխատեսելի էր դեռ 2020 թվականին: Ես զարմացած եմ, որ դա դեռ ուշացել է: Ալիեւը կարող է ամեն օր հարց դնի, ասի՝ հայկական դրամն ի՞նչ գործ ունի մեր տարածքում, եւ Փաշինյանն արդեն պատրաստվում է դրան: Հիմա Փաշինյանը պատրաստում է, որ կարողանա ասել՝ միջազգային հանրությունն ասում է, որ մենք խախտում ենք օրենքը, երբ դրամ ենք հատկացնում Ադրբեջանի տարածքում: Հայկական դրամն ինչ գործ ունի Ադրբեջանի տարածքում: Ադրբեջանի տարածքում ի՞նչ գործ ունեն քո անձնագրերը, բոլոր փաստաթղթերը: Եթե դու ընդունում ես իմ տարածքային ամբողջականությունը, ուրեմն այստեղ պետք է լինեն միայն իմ տարածքում օգտագործվող փաստաթղթերը: Փաշինյանը գիտի, որ դա լինելու է, իր նպատակլն է պատրաստել ժողովրդին, որ Արցախից պետք է հրաժարվենք»,-ընդգծեց Արթուր Մարտիրոսյանը:
https://www.youtube.com/watch?v=Y9F9QJESM5w
