Արցախի ԱԳ նախարար Սերգեյ Ղազարյանն անթույլատրելի է անվանել Լաչինի միջանցքի եւ այլ հաղորդակցությունների միջեւ հավասարության նշան դնելը։ Այս մասին նա ասել է Արցախի շրջափակմանը նվիրված օնլայն համաժողովի ժամանակ։

Միեւնույն ժամանակ, նա մտահոգություն է հայտնել մի շարք երկրների դիրքորոշման կապակցությամբ, որոնք ցանկանում են Լաչինի միջանցքի եւ այլ հաղորդակցությունների միջեւ հավասարության նշան դնել։

«Արցախն ադրբեջանա-ղարաբաղյան խնդրի խաղաղ կարգավորման կարիք ունի։ Սակայն նման բանակցությունները պետք է ընթանան միջազգային ձեւաչափով։ Եվ պետք է լինեն երաշխիքներ, որ Ադրբեջանի նախագահը կպահի խոսքը»,-նշել է Ղազարյանը։

Նախարարը հաստատել է, որ առաջարկվել է հանդիպել Եվլախում օգոստոսի սկզբին։

Սակայն Վագիֆ Խաչատրյանի առեւանգումը հաստատել է առանց միջնորդների նման հանդիպման անհնարինությունը։ Ղարաբաղյան կողմը պարբերաբար առաջարկություններ է անում, սակայն ադրբեջանական կողմը դրանք անտեսում է։