նախընտրելի դարձնելCubeStormer II ռոբոտը կարողացել է Ռուբիկի կուբիկը հավաքել 5,35 վայրկյանում, հողորդում է Lenta.ru -ն` վկայակոչելով Gizmodo տեխնոբլոգին:
Ռեկորդակիր ռոբոտին ստեղծել են բրիտանացի ինժեներներ Մայք Դոբսոնը եւ Դեյվիդ Գիլդեյը: Դրա համար պահանջվել է Lego Mindstorms կոնստրուկտորի չորս հավաքածու: Ռոբոտը կառավարում է Galaxy S II սմարթֆոնը, որը կուբիկին «հետեւում է» խցիկի միջոցով եւ լուծումներ գտնում:
Cubestormer II –ի արդյունքը 0,31 վայրկյանով ավելի լավ է եղել, քան մարդու` ավստրալացի Ֆելիքս Զեմդեգսի արդյունքը, ով կուբիկի ամենաարագ հավաքման ռեկորդ էր սահմանել: 2011թ. Melbourne Winter Open մրցաշարի ժամանակ Զեմդեգսը գլուխկոտրուկը լուծել էր 5,66 վայրկյանում:
Գլուխկոտրուկը, որը հայտնի է որպես «Ռուբիկի կուբիկ», 1974թ. առաջարկել էր հունգարացի ճարտարապետ Էրնո Ռուբիկը:
