նախընտրելի դարձնելԲաքվի համար Արցախի ռազմաքաղաքական ղեկավարության ձերբակալությունները կարևոր են ներքին լսարանի համար, որին նրանք տարիներ շարունակ համոզում են, որ այդ մարդիկ ահաբեկիչներ են և վաղ թե ուշ դատապարտվելու են։ Այս մասին NEWS.am -ի թղթակցի հետ զրույցում ասաց քաղաքական վերլուծաբան Արգիշտի Կիվիրյանը։
«Բացի այդ, Ադրբեջանը նպատակ ունի կոտրել հայ ժողովրդի ոգին։ Ուստի պետք է խելամտորեն աշխատել մարդկանց հետ՝ չեզոքացնելու այս գործոնը:
Եթե գիտես, որ թշնամին քո նկատմամբ որս է հայտարարել, ապա պետք է լքես Արցախն այն երթուղիներով, որոնք հասանելի էին մինչև վերջերս։ 2020 թվականի պատերազմից հետո անհրաժեշտ պետք էր հեռացնել գաղտնի փաստաթղթերը և ադրբեջանական հետախուզման մեջ գտնվող անձանց և գաղտնի տեղեկատվության կրողներ էին, որոնք կարող են ազդել նաև Հայաստանի անվտանգության վրա։ Նրանք կարող էին դուրս հանվել տարբեր ձևերով: Ռազմաքաղաքական ղեկավարությունն այժմ էլ Արցախից հեռանալու տարբերակներ ունի։
Եթե հիմա Արցախում արդյունավետ բանակցողներ լինեին, ապա բոլորը, այդ թվում՝ արդեն կալանավորվածները, կկարողանային հեռանալ Արցախից։ Պետք էր բանակցել ոչ թե փուլային, այլ փաթեթային տարբերակի շուրջ, քանի որ պարզ էր, որ Բաքուն ստանալով այն, ինչ իրեն պետք էր, չի կատարի համաձայնագրի իր մասը։ Նույնն արեց նաև Նիկոլ Փաշինյանը, ինչի պատճառով Բաքվում դեռ պահում են հայ ռազմագերիներին»,- նկատեց վերլուծաբանը։
Փորձագետը հավելեց, որ հասարակ ժողովուրդն այս մարդկանց մեջ իրավացիորեն չի տեսնում իրական լիդերներ, այդ վերաբերմունքը ձևավորվել է նրանց երկարատև գործունեության արդյունքում։
«Եթե մարդիկ չկարողացան նույնիսկ իրենց փրկել, ինչպե՞ս էին նրանք պատրաստվում փրկել երկիրը։ Իսկ նրանց մասին, ովքեր դեռ մնացել են Ղարաբաղում, ես վաղուց եմ ասել, որ երևանից իրենց վարձողները նրանց հետ կխաղան ու մենակ կթողնեն»,- ընդգծեց Կիվիրյանը։
Նա նաեւ անընդունելի է անվանեց այն իրավիճակը, երբ Հայաստանի պաշտպանության նախկին չորս նախարարները գտնվում են արտերկրում։
«Չէ որ Բաքուն կարող է այդ երկրներին գումար առաջարկել այդ մարդկանց իմացած տեղեկատվության դիմաց»,- եզրափակեց վերլուծաբանը:
