նախընտրելի դարձնելՉէի ասի, թե Արցախի հարցը 100 տոկոսով փակված է։ Այս մասին NEWS.am -ի թղթակցի հետ զրույցում ասել է քաղաքական վերլուծաբան Արգիշտի Կիվիրյանը։
Ըստ նրա, այս հարցին դեռ հնարավոր է անդրադառնալ քաղաքական մակարդակով։
«Դրանով պետք է զբաղվի Արցախի ռազմաքաղաքական ղեկավարությունը»,- հավելել է նա։
Նույնիսկ այս դեպքում հարցերը կարող են լուծվել Բաքվի հետ բանակցությունների միջոցով, կարծում է փորձագետը։
«Հայ բնակչության որոշակի քանակի Արցախ վերադարձի նվազագույն շանսերը պահպանվում են։ Առավել ևս, որ Ռուսաստանը չի շտապում հետ կանչել իր խաղաղապահներին։ Դեռ կարելի է շարունակել խաղալ Բաքվի և Մոսկվայի հակասությունների վրա։ Սակայն որքան ժամանակ անցնի, այնքան ավելի դժվար կլինի դա անել։ Բայց եթե դա հնարավոր չէ, ապա Արցախի ռազմաքաղաքական ղեկավարությունը պետք է զբաղվի հարկադիր տեղահանվածների խնդիրներով»,- ընդգծել է Կիվիրյանը։
