նախընտրելի դարձնելԲանն այն չէ, թե որտեղ է ստորագրվելու Երևանի և Բաքվի միջև համաձայնագիրը, այլ այն, թե ինչ է լինելու այդ թուղթը։ Այս մասին NEWS.am -ի թղթակցի հետ զրույցում ասաց քաղաքագետ Ալեքսանդր Իսկանդարյանը։
Նրա խոսքով՝ այսօր այս տեսակի համաձայնությունը կարող է իրականում լինել միայն հուշագիր՝ նպատակների մի տեսակ հայտարարություն։
«Չեմ կարծում, որ այս համաձայնագիրը տեղում կկանգնեցնի Ադրբեջանի տարբեր ռազմական գործողությունները»,- նշեց Իսկանդարյանը։
Նա նաև հիշեցրեց, որ նոյեմբերի 9-ին հայտարարության ստորագրումից հետո այս փաստաթղթի ոչ մի կետ գործնականում չաշխատեց։
«Ես տեսնում եմ, որ Հայաստանում չափազանց մեծ ուշադրություն կա խոսքի վրա։ Ասես այդ խոսքերը երբևէ որևէ մեկին կանգնեցրել են։ Գլխավորն այն է, թե որքան հեռու է պատրաստ գնալ Ադրբեջանը։ Այս շարժումը կանգնեցնելու համար ձեռքը մեկնած մայրաքաղաքներով շրջելը բավարար չէ։ Դիվանագիտությունը լավ և անհրաժեշտ բան է, հատկապես՝ որակյալ, բայց նույնիսկ լավ գործող դիվանագիտական մեխանիզմները՝ ամեն ինչից կտրված, չեն աշխատի։
Հարցն այն չէ, որ դու ինչ-որ տեղ ես գնացել և ինչ-որ բան խնդրել ես։ Այդպես չի աշխատում: Սա համալիր խնդիր է, որը համալիր լուծում է պահանջում»,- եզրափակեց քաղաքագետը։
