ԼՂ-ից բռնի տեղահանված ուսուցիչներն իրենց մասնագիտական գործունեությունը կարող են շարունակել Հայաստանի կրթական հաստատություններում: Այս մասին կառավարության լրատվականի հետ զրույցում ասել է ՀՀ ԿԳՄՍ նախարար Ժաննա Անդրեասյանը:
 
«Այստեղ լրացուցիչ երկու հիմնական լրացուցիչ արտոնություն կա, որովհետև մեզ մոտ գտնվող Լեռնային Ղարաբաղից բռնի տեղահանված բոլոր ուսուցիչները կարող են ազատ դիմել հայտարարված մրցույթներին ցանկացած բնակավայրում և մասնակցել սովորական ընթացակարգով:
 
Այս ծրագիրը հնարավորություն է տալիս աշխատանքի անցնել արտամրցութային կարգով: Մենք ունենք էլեկտրոնային հարթակ՝ kadrer.emis.am, որտեղ ըստ մարզերի և ըստ առարկաների գրանցված են թափուր աշխատատեղերը»,- ասում է ԿԳՄՍ նախարար Ժաննա Անդրեասյանը: