նախընտրելի դարձնելԻսրայելը Թուրքիային օգնություն է առաջարկել` ավերիչ երկրաշարժի հետեւանքների վերացման համար:
Իսրայելի պաշտպանության նախարար Էհուդ Բարաքը հանձնարարել է կապվել Թուրքիայի իշխանությունների հետ եւ առաջարկել «ցանկացած օգնություն, որը կարող է նրանց պետք լինել»:
Նշենք, որ անցած տարի «Ազատության տորմիղի» միջադեպից հետո երկու երկրների հարաբերությունները ճգնաժամ են ապրում:
Ինչպես ավելի վաղ տեղեկացրել էր NEWS.am-ը, այսօր` հոկտեմբերի 23 -ին Թուրքիայում 7,2. մագնիտուդով հզոր երկրաշարժ է տեղի ունեցել: Էպիկենտրոնը գտնվել է Վանից 38 կմ հյուսիս-արեւելք: Հիպոկենտրոնը գտնվել է 10 կմ խորության վրա: Ցնցումներն առաջացրել են ավերածություններ, էկեկտրաէներգիայի եւ բջջային կապի խափանումներ: Հաղորդվում է, որ Վանում մոտ 50 բանկելի շենք է ավերվել: Բացի Վանից, բավականին տուժել են նաեւ Կարսը, Արդահանը եւ Էրզրումը:
Հայաստանի տարածքում երկրաշարժն զգացվել է 3-5 բալ ուժգնությամբ:
