նախընտրելի դարձնելԲաքուն արևմտյան հարթակներում մեկ անգամ արդեն ստացել է իր ուզածը՝ փակել է Արցախի հարցը։ Ադրբեջանն ու Արևմուտքը սերտորեն կապված են միմյանց հետ, ինչի հիման վրա Բաքուն կոշտ հայտարարություններ է անում Արևմուտքի դեմ՝ իմանալով, որ անպատիժ կմնա։ Այս մասին նոյեմբերի 16-ին լրագրողների հետ հանդիպմանն ասաց քաղաքական վերլուծաբան Արգիշտի Կիվիրյանը։
Նրա խոսքով՝ Բաքուն ցանկանում է իր նոր օրակարգը թելադրել Արևմուտքին, և եթե դա հաջողվի, ապա Ադրբեջանի իշխանությունները կգնան Արևմուտք և կվերցնեն այն, ինչ իրենց հետաքրքիր է։
«Ադրբեջանը ցանկանում է դեպի Արևմուտք գնալ իր օրակարգով, այլ ոչ թե պարտադրվածով։ Բաքուն այս դեպքում կարող է փորձել Արեւմուտքի օգնությամբ լուծել ռուսական ազդեցության գոտի համարվող Սյունիքի հարցը։
Իսկ Փաշինյանը, գնալով այս կամ այն բանակցությունների, որտեղ նրան ստիպում են որոշակի որոշումներ կայացնել։ Նա ամեն առիթով խոսելու է Արցախի մասին, քանի որ հոգու խորքում հասկանում է, որ հանցագործություն է կատարել Արցախի դեմ։ Հանցագործը միշտ վերադառնում է հանցագործության վայր։ Նրա վարած քաղաքականության արդյունքում հայ ժողովուրդը կորցրեց Արցախը, որտեղ հայերն ապրել են հազարավոր տարիներ, 100 հազար մարդ փախստական է դարձել, ավելի քան 5000 մարդ մահացել է։ Ընդ որում, Փաշինյանը միշտ կգտնի մեկին, ում վրա գցի մեղքը»,- նկատեց փորձագետը։
Նրա կարծիքով՝ Ադրբեջանը Հայաստանի իշխանությունների առջեւ պայմաններ է դրել, որոնք վերջիններս անշեղորեն կատարում են։
«Այս պայմաններից մեկն այն է, որ Հայաստանում չգործեն Արցախի պետական կառույցները, և Արցախն այս կամ այն ձևով չվերակենդանանա։
Իշխանությունների վարած քաղաքականությունը վտանգի տակ է դնում հենց Հայաստանը։ Երևանին դաշնակիցներ չեն մնացել, թեև նրա բնական դաշնակիցներն էին Ռուսաստանը և Իրանը, որոնց հետ հարաբերություններն արդեն հաստատ դաշնակցային չեն»,- հավելեց Կիվիրյանը։
Նա կարծում է, որ նոր պատերազմը կախված է Բաքվի համար նոր հնարավորությունների պատուհանից, ուստի Երևանը պետք է մտածի այդ պատուհանների բացումը թույլ չտալու մասին, թեև իրականում օգնում է Ադրբեջանին այդ հարցում։
