նախընտրելի դարձնելՄոլդովայի խորհրդարանի ղեկավար, նախագահի պաշտոնակատար Մարիան Լուպուն հայհոյել է ուղիղ եթերով հեռարձակվող նիստի ընթացքում:
Դեպքը կատարվել է Մոլդովայի գլխավոր դատախազ Վալերի Զուբկոյի զեկույցի քննարկման ժամանակ: Ամենայն հավանականությամբ, Լուպուն մոռացել է անջատել բարձրախոսը: Կատարվածի տեսագրությունը կարճ ժամանակ անց հայտնվել է համացանցում, հայտնում է Lenta.ru-ն: Հայհոյանքը լսվում է տեսագրության 7-րդ վայրկյանին:
Լուպուն չի խոստովանել, որ հայհոյել է. «Կխնդրեմ ձեզ հանգստանալ: Ես ամիսներով եւ տարիներով նստած եմ ձեր առջեւ, եւ իմ խոսքին ծանոթ է եւ ժողովուրդը, եւ դուք», - ասել է խորհրդարանի նախագահը:
Լուպուն ռուսերեն անպարկեշտ բառ է ասել, թեեւ մնացած տեքստը արտաբերել է ռումիներենով:
