ՆախընտրելիՍահմանադրության փոփոխության օրակարգն արդիական է, քանի որ խնդիրների զգալի մասը բխում է երկրի Հիմնական օրենքի դրույթներից, որոնք թույլ են տալիս իշխող քաղաքական ուժին երկիրը ղեկավարել առանց հանրային լուրջ աջակցության և տանել այն անհասկանալի ուղղությամբ։ Այս մասին NEWS.am -ի թղթակցի հետ զրույցում ասաց Արցախի նախկին արտգործնախարար Կարեն Միրզոյանը։
«Եթե նախաձեռնվում է Սահմանադրության փոփոխություն՝ ուղղված պետական մարմինների գործունեության արդյունավետության բարձրացմանը, ապա սա լուրջ խնդիր է, որի շուրջ պետք է քննարկումներ ծավալվեն։ Փաշինյանը բավականին տարօրինակ հայտարարություններ է անում, որոնք սկզբում լուրջ չեն ընդունվում, բայց հետո քայլեր են արվում այս ուղղությամբ, և Սահմանադրության փոփոխությունը կարող է դառնալ նրա ընտրած ճանապարհի տրամաբանական շարունակությունը։
Խոսքը հայի ազգային ինքնությունը փոխելու, նոր հայի, նոր Հայաստանի ձեւավորման մասին է։ Այս մասին Փաշինյանը մեկ անգամ չէ, որ խոսել է.
Ադրբեջանը փորձում է նույնիսկ Հայաստանի ներսում փոփոխությունների հասնել, որոնք կհամապատասխանեն իր շահերին։ Այդ դրսեւորումներից էր ձեռնարկության տեղափոխումը Երասխից։
Այժմ Բաքուն փորձում է ստիպել Հայաստանին ընդունել մի Սահմանադրություն, որտեղ հղումներ չեն լինի ազգային գաղափարներին և հայ ժողովրդի անցած ճանապարհին»,- ընդգծել է նախկին նախարարը։
Նա կարծում է, որ վաղուց անցել են այն օրերը, երբ հասարակությունը, որը համաձայն չէ նման մոտեցումներին, կարող էր պարզապես պասիվ դիտորդ լինել։
Յուրաքանչյուր մարդը ինքը պետք է բոլոր հարցերին պետք պատասխանի։ Հայ ժողովրդի պատմությունը լի է դառը պարտություններով, բայց նաև՝ լի ձեռքբերումներով։ Մենք իրավունք ունենք հպարտանալու այս պատմությամբ։ Այս պատմությունն այն մասին է, թե ինչպես մի փոքր ժողովուրդ, ունենալով սահմանափակ ռեսուրսներ, կարողացավ վերականգնել իր պետականությունը։ Այս ամենը փորձում են հետին պլան մղել՝ համոզելով, որ սա պարտությունների, սխալների ու սխալ ճանապարհի պատմություն է։ Մեզանից յուրաքանչյուրը ինքը պետք է որոշի, թե ինչպիսի պատմության ժառանգորդ է նա՝ թույլ և հպատակա՞ն, թե՞ իր հնարավորությունների սահմաններում մինչև վերջ պայքարող մարտիկի»,- նշեց Միրզոյանը։
