նախընտրելի դարձնելՈչ Ռուսաստանը, ոչ Արևմուտքը չեն ճանաչել հայերի էթնիկ զտումները, որոնք իրականացվել են Ադրբեջանի կողմից Լեռնային Ղարաբաղում: Այս մասին NEWS.am -ի թղթակցի հետ զրույցում ասաց քաղաքագետ Արթուր Խաչիկյանը։
Նա հավելել է, որ ղարաբաղյան իրադարձությունները լուրջ հարված են հասցրել հայ-ռուսական հարաբերություններին։ «Այս մասին ես ասել եմ իմ ռուս գործընկերներին, ասել եմ, որ մենք չենք կարող դա մոռանալ։ Ի պատասխան՝ ասում են, որ Ղարաբաղը հանձնել են Հայաստանի իշխանությունները»,- ասաց քաղաքագետը։
Միաժամանակ, ըստ նրա, Ռուսաստանը փորձում է պահպանել իր ազդեցությունը տարածաշրջանում և ցանկանում է հասնել մի քանի հազար հայերի վերադարձին Ղարաբաղ, որպեսզի Մոսկվան արդարացնի այնտեղ մնալը։
Փորձագետը Ադրբեջանին աջակցող Մոսկվայի և Մինսկի վրա Երևանի ազդեցության բացակայությունը Հայաստանի դիվանագիտական պարտություն է անվանել։ «Մենք չկարողացանք լավ խաղալ այս խաղը: Ռուսաստանը և Բելառուսը սերտ հարաբերություններ ունեն և՛ Թուրքիայի, և՛ Ադրբեջանի հետ։ Նրանց շահերը համընկնում են։ Սրա վրա պետք է աշխատեինք»,- նշեց Խաչիկյանը։
