նախընտրելի դարձնելԲժշկական համալսարանն ստացել է իր որոշ կրթական ծրագրերի միջազգային հավատարմագրում, ինչը շատ լավ եւ ուրախացնող փաստ է մեզ համար, բայց մեր կրթության զարգացման ծրագրով թիրախը միջագային վարկանիշավորման համակարգերում, առաջին 500-ի մեջ առնվազն 4 բուհ ունենալն է: Այս մասին այսօր՝ մարտի 21-ին, Կառավարության նիստից հետո լրագրողների հետ ճեպազրույցի ժամանակ ասաց ԿԳՄՍ նախարար Ժաննա Անդրեասյանը։
«Մենք մեր բուհերի համապատասխանությունը պետք է դիտարկենք միջազգային վարկանիշավորման այդ համակարգերի սանդղակների հետ: Վարչապետը խոսում է այն մասին, որ այսօր մեր որեւէ բուհ այդ սանդղակների 500-յակներում չէ, որովհետեւ չի համապատասխանում այդ չափանիշներին եւ կարիք ունի բարելավման»,-ասաց նա:
