նախընտրելի դարձնելԻնձ թույլ չեն տվել մի հատ սփռոց բերել, ինձ ասել են՝ միայն օգտագործածը կարող ես բերել. բա 23 կիլոգրամ բերելու իրավունքը ինչի՞ են տվել, որ ուրիշի հագած, օգտագործածը բերեմ, դնե՞մ: Այս մասին, այսօր՝ հունվարի 23-ին կառավարության շենքի մոտ բողոքի ակցիայի ժամանակ NEWS.am-ի հետ զրույցում նշեց Գնունու շուկայի առեւտրականներից մեկը:
Նրանք բողոքում են հունվարի 1-ից շրջանառության հարկի դրույքաչափը 5 տոկոսից 10 տոկոս դարձնելու դեմ:
«Իրենք այնպիսի օրենքներ են դնում, որ հնարավոր չէ այստեղ ապրել, մի հատ նվեր չես կարող բերել քո հարազատի համար: Ասում են՝ Եվրոպայում այս գներն է, դու Եվրոպայի նման թոշակառո՞ւ ես պահում: Ես 20% էլ կմուծեմ այն դեպքում, երբ մեր թոշակառուների բոլոր դեղերը լինի ձրի, երբ բուժումը դառնա ձրի:
Մենք մենակ տուգանքի գործիք ենք, ոնց որ իրենք են ասում: Մենք պետք է վճարենք, իրենք տանը քնեն, մենք սառենք, ոչ մեկ չիջնի, չմոտենա մեզ»,-ասաց ակցիայի մասնակից կինը:
Հիշեցմանը, որ Նիկոլ Փաշինյանն ասում էր, որ կառավարության դուռը քաղաքացու դուռն է, ոնց ուզի՝ կբացի, կինն ասաց. «Ուզո՞ւմ եք, մոտենամ, կտեսնեք, թե ոնց ինձ դուբինկեքով կծեծեն, հետ կուղարկեն»;
Այդ ասելուց հետո կինը իսկապես մոտեցավ կառավարության դռանը: Ոստիկանները թույլ չտվեցին ներս մտնել՝ ասելով, որ եթե լինի թույլտվություն, այդ ժամանակ թույլ կտան:
«Լավագույն դեպքում պետք է ասեն՝ մի քանի հոգով եկեք ներս, ձեր պահանջները գրեք, բայց այստեղ բոլորն եկել են իրենց պահանջների համար: Մեր հայ ժողովրդին լսող չկա, իջնող չկա, բացատրող չկա, երկու ժամ էլ կանգնենք, միևնույն է ոչ մեկը չի իջնելու։
Հարկատուն ոչ թե հերոս է, այլ գործիք է, գումարները վճարելու, իրենց աշխատավարձները ապահովելու գործիք է: Մեր ժողովրդին ոչ մեկ էլ չի լսում, չի իջնում, ոչ մեկի ցավը ոչ մեկին հետաքրքիր չի: Իրենց համար լավ լինի, այդքան բան»,-ասաց ակցիայի մասնակիցը:
